2017-imi Juullip Nipitittagassaanik ammasumik tamanut unammisitsineq

2017-mi Juullip nipitittagaanik unamminermi maleruagassat.

Juullip Nipitittagaata Siulersuisuisa 2017-mi juullip nipitittagassaa matumuuna tamanut unammissutissatut saqqummiuppaat.
Unammisitsinerup siunertaraa Juullip Nipitittagassaata isikkumigut qalipaasersorneqarnermigullu kallaallit juulliannik oqaluttuarinnittuussammat.
Siunnersuutip inernera assilianngussaaq, takutinneqartussarlu immikkuullarissuussaaq siorna-
tigut titartakkatut qalipakkatulluunniit ataatsitut arlalittulluunniit saqqummersinneqarnikuunngitsoq.

Ajugaasumut akissarsiassat kr. 30.000,00.

Ajugaasoq Juullip Nipitittagaata suilersuisuinit immikkut isumaqatigiissuteqarfigineqassaaq.
Tunniussinissaq:
Siunnersuut /-tit kingusinnerpaamik februarip 13-anni 2017 Juullip Nipitittagaata allaffiani tiguneqareersimassapput. Tamatuma saniatigut paasissutissat aalajangersakkallu allat tassunga tunngassuteqartut innersuussutigineqarsinnaapput.
Sinerissamiit nassiussat anngunnissaat pillugu allakkasuarneq oqarasuaatikkut fax-ikkut e-mail-ikkulluunniit kingusinnerpaamik 13. februar2017 nassiunneqarsimanerat nalunaarutigineqassaaq.
Nassiunneqartut tiguneri siulersuisut tungaanniit allakkatigut nalunaarutigineqassapput.

Siunnersuut uunga nassiunneqassaaq:

Aningaasaateqarfik Juullip Nipitittagaa
Quassunnguaq 27 A
Postboks 97
3900 Nuuk

Tlf./fax: 32 24 34 mobil: +299530785
E-mail: seal@greennet.gl

Naliginnaasumik piumasaqaatit:

Suliap ilusaa annertussusaalu
Siunnersuut, suliarinnittup pigisaa siornatigut tamanut saqqummiunneqarsimassanngilaq.

Qalipakkat / titartakkat angissusissaat A4 imaluunniit A3-tut angissuseqassapput.
Siunnersuutit angallanneqarsinnaassapput nalinginnaasumillu allakkerivikkoortin-
neqarsinnaallutik.
Suliat nassiunneqartut takutinneqarnissaat immikkut atortulersorfiussappata, atortut
atugassat nassiussisup ilanngullugit periarfissiissutigissavai.

Utertitsineq:
Siunnersuutit toqqarneqarsimanngitsut tamarmik allakkatigut tiguneqarneri nalunaarutigineqarsimasut toqqaaneq naammassiniariarpat nassiussisumut utertinneqassapput.

Sillimmasiineq:
Siulersuisut siunnersuutitut nassiussat akisussaaffiginngilaat, taamaallaat toqqaanerup
nalaani. Nassiussisup nammineq suliani sillimmaserumagunigit taamaaliussaaq.

Siunnersuutinik nalunaaqutsiineq:
Siunnersuutit nassiunneqartut imaluunniit immikkoortortaasut tamakkerlutik nassiunneqarsimanerminni kisitsisinik (assigiinngitsunik) aamma aalajangersimanngitsunik sanileriinnik arfinilinnik ilisarnaateqassapput.

Allakkap puussaa akimut ersitsuunngitsoq ”matulluagarlu” saqqamigut ilisarnaasigaq
nassiussisup aqqanik najugaanik oqarasuaataanillu paasissutissanik imaqassaaq.

Nassiussisup – siunnersuut toqqarneqanngikkaluarpat – ilisarineqannginnissi kissaatigippagu imaluunniit suliani nammineq aajumappagu tamanna allakkap puussaanut allamut nalunaarneqassaaq saaffiginniffissap najugaa immaqalu aamma oqarasuaataa ilanngullugu.

Peqataasut unammisitsinerup inernerata tamanut nalunaarutigineqarnissaata tungaanut kinaanertik isertuutissavaat.

Toqqaaneq:
Toqqaasussat tassaapput Aningaasaateqarfik Juullip Nipitittagaata siulersuisui. Februaarip 13-ata kinguninngua siunnersuutigineqarsimasut akornanni toqqaassapput.
Siulersuisut tamarmik isumaqatigiillutik ajugaasoq toqqassavaat. Pissutsini tamani siulersuisut tamatigut aalajangiissuussapput soorlu akissarsiassat angissusissaat amerlassusissaallu aamma siunnersuutini sorleq 2017-imi juullip nipitittagassaatut naqiterneqassanersoq imaluunniit siunnersuutit nassiunneqartut akornanni atorneqartussaanngitsut tamaasa nalunaarsussallugit.
Naqiterinermi periaasiusut imaluunniit qalipaatit pissusaat peqqutigalugit siulersuisut allannguuteqartitseratarsinnaanerat eqqumiitsuliortup tungaaniit akuerineqarsinnaasariaqarpoq. Siunnersuutit akissarsissutaasimasut siulersuisut tungaanniit qanorluunniit atorneqarsinnaapput.

Aningaasat:
2017-imi Juullip Nipitittagaata piviusunngornissaata – naamassivilluni – aallartisarnera suliarineralu ingerlatissavaat suliallu inernissaata tungaanut aningaasartuutitigut akisussaassallutik.
Naggataatigut ilisimatitsissutigineqassaaq naqiteriaatsimi ileqquusut immikkut ittut
peqqutigalugit siulersuisut avataani siunnersortimut saaffiginnissinnaasut.
Tamatuma qaquguunissaa qanorlu annertutiginissaa siulersuisut kisimik aalajangiiffigissavaat.

Unammisitsineq pillugu paasissutissat:
Unammisitsineq pillugu paasissutissat Aningaasaateqarfik Juullip Nipitittagaata siulersuisuinut apeqqutilliissutigineqarsinnaapput.

Inussianersumik Inuulluaqqusilluta
Siulersuisut.

Nuummi, 17. januar 2017

Print Friendly, PDF & Email