2018 mi Juullip nipitittagaa

Ukioq manna kalaallit juullimi nipitittagaat 45–ssaanik saqqummerpoq. Pisarnertut saqqummiineq ataatsikkut ingerlanneqarpoq Katuaq-mi Nuuk aamma Kalaallit Illuutaani København, juullisiutinik tussiaqatigiinnikkut juulleriartornera malunnartinneqarluni, kaffesoqatigiittoqarluni oqalugiartoqarlunilu.

Ukioq manna eqqumiittuliortoq tassaavoq Kalaallit Nunaanni qaammarsaanermut atatillugu nunanut allanut aallartitat annersaat, eqqumiittuuliamigut silarsuarmi ilisarisimaneqarluartoq, taamaalillunilu ukiumoortumik juullip nipitittagaata tunniuttagaanik tigusissalluni tulluartoq. Aka Høegh qalipaakkanik, qiperukkanik titartakkanillu ukiorpassuarni suliaqartarnermigut eqqumiittuliortutut ilisarisimaneqarluartuuvoq, juullillu nipitittagaata aniangaasaateqarfiata perroorluni tulluussimaarutigaa, juullip nipitittagaa ukiumi 2018 suliarisimammagu.

Aka Høegh Qullissani inunngorpoq 1947-mi tamatumalu kingorna malunnaatilinnik suliaqartarluni Qaqortumi najugaqarsimalluni ilaatigut pilersaarusiorsimallugu ”Ujarak Inullu”. Tamakku saniatigut nunarpassuarni saqqummersitsisarsimalluni, ilaatigut Nunani Avannarlerni, Alaska, Letland, Litauen Amerikkamilu kujallermi. Amerlasuunik ataqqinaaserneqarsimavoq marlunnillu ridderkorsinik Dannebrogsordenen-mit pisunik saqqarmiulerneqarsimalluni.

Ukioq manna juullip nipitittagaanut kusanartumut aallaaviusimasoq tassa pinngortitap nillerteruttorfiani kissatsitsisinnaanermut akisunnertut piginnaanera. Eqqumiittu-liortorlu Kalaallit Juullimi nipitittagaat 2018 pillugu ima oqarpoq:

”Uvanga juullera tassaavoq pinngortitamut qiviassallunga, arsarnerit, aput, silarsuup qaamarnga unnuaagaluartumi, sorlumi kissaaminarluni.”

Kalaallit Nunaanni juullip nipitittagaata aningaasaateqarfiata neriuutigaa kissaati-galugulu amerlasuut Kalaallit Nunaanni eqqumiittuliornermut qaammarsaanermullu tapersersuinissamut peqataajumassasut ukioq manna juullip nipitittagaata pisiarineratigut. Tuniniaavittinni sumiluunniit Kalaallit Nunaanni Danmarkimiluunniit ataasiakkaatut pisiarineqarsinnaavoq. Aamma qarasaasiami allakkanut atsiornermi ikkutassanngorlugu inuinnarnit sulliffeqarfinniilluunniit pisiarineqarsinnaavoq. Kalaallit Juullimi nipitittagaat amerlassuttimikkut killilinnik ukiup nipitittagaa katitertarianngorlugu sanatissimavaa taamatullu nipitittagaq minneq sanatissimallugu.

Juullip nipitittagaata aningaasaateqarfia 1974-mili ingerlavoq suliassaminullu salliu-tippaa aningaasanik aningaasaateqarfimmut ukiumut Juullip nipitittagaata saqqum-mernerani tuniniaanikkut katersineq, tuniniarneqartarporlu Kalaallit Nunaanni, Danmarkimi nunanilu allani. Ukiut tamaasa Juullimi Nipititakkap nersornaataa aningaasanngorlugu tunniunneqartarpoq inummut peqatigiiffimmulluunniit,immikkut qanorluunniit ittumik qaammarsaanermut tunngasumik saqqumiussaqarsimasumut.

Print Friendly, PDF & Email