Nukannguaq Mathiesen-Fontain

Juullip Nipitittagaata Aningaasaateqarfiata eqqumiitsuliortoq Nukannguaq Mathiesen-Fontain 2015-mi Juullip Nipitittagaanik 42-saanik saqqummersumik ajugaatippaa.

Nukannguaq Mathiesen Fontain:
1991-imi julip 20-ani Ilulissani inunngorpoq peroriartorlunilu.
2008-2011: Qaqortumi HHX-erpoq.
2011-2012: Nuummi Eqqumiitsuliornermik Ilinniarfimmi ilinniarpoq.
Katippoq, 2012-imilu Sisimiunut nuulluni.
Kalaallisuuliornermik Ilinniarfimmi atualernissani pilersaarutigaa. Assassorneq, eqqumiitsuliorneq isumassarsiornerlu nuannarisuuai. Siunissami eqqumiitsuliorneq namminersortuunerlu
inuussutissarsiutigerusussinnaavaa. Kiffaanngissuseq, killilersugaanani, aporfeqarnani namminersorluni sulineq pissanganartutut nuannerunartutullu takorloortarpaa.

Nukannguup titartakkaminik nassuiaataa: Ilaqutariinni amerlasuuni peroriartorpunga. Juulliaqqap ullaavani anaanama ilaqutai peqatigalugit orpiliartarpugut, makitavullu tunisarlugit. Ualikkut ataatama ilaqutai peqatigisarpagut. Unnukkut nammineq ilaqutariiulluta nereqatigeeriarluta poortukkanik tunioraattarpugut.
Nammineq qaatuussaralugu ilaqutariinnermi qanilaarneq, asanninneq, ataqatigiinnerlu misigisarpara. Tamanna meeqqanut allanut misigitikkusunnartaraluarpoq.
Juullip ullaavani meeqqat takunnileraangamik isikkui, alaatsinaaleraangamillu pissusaat juullimi pilluarnermik angisuumik misigititsisartoq nalunngilara.”

Print Friendly, PDF & Email