Ukiumi 2017-mi eqqumiittuliortoq Gukki Nuka (1965) alliartorpoq avannaani illoqarfimmi Ummannami, ullumikkulli Danmarkimi najugaqarlluni. Gukki Nuka ilinniar-simavoq eqqumiittuliortut atuarfiini arlariinni, saqqummersitsisarsimallunilu Kalaallit Nunaanni, Qallunaat nunaanni Canadamilu. Taakua samiatigut aningaasaliisutinik arlalinnik pissarsisarsimavoq, soorlu Canadamiut tunniuttagaat The Govenor General’s Award of Exellence Canada. Gukki Nukap ukiuni kingullerni pinnersaasersorsimavai Kalaallit Illuat Københavnimiittoq, Kalaallit Nunaannilu eqqartuussiviit illutaavi nutaat sisamat.

Gukki Nuka eqqumiittuliortut suleriaasii assigiinngittut arlallit aallaavigalugit sulisarpoq, ilisarisimaneqaatiginerpaavaalu marrarmik uunnarujussuartitamik suliarisartakkani. Ukiormanna Juullip Nipitittagaa suleriaatsit assigiinnngittut atorlugit suliarisimavaa, nammineq qaraasaasiaq atorlugu titartakkani aaqissuussimallugit. Titartaasarpoq, qalipaalluni assinillu ilusilersuisarluni, soorlu mobile atorlugu assilimasaminik. Taamaalilluniu immikkuullarissumik takutitsisarluni.

Eqqumiittuliortoq ukiormanna marlunnik tunngaveqqrsimavoq imatullu allaaserivai:

”Silatagiaasut”
Meeqqap innarlerneqannginnissaa annertuumik misigissutinniippoq. Uanga nammineq Uumannami alliartorpunga, assigiingittutigullu peneqarnerlunneq nammineq timikkut misigisimallugu. Tamaammat siunnersuutinni marlunni meeraq qiterliutippara.

”Juullip Ulloriaa”

Ullorialiorusulerninnut Kalaallit Juullip Ulloriaanik taasagaat pissutaavoq. Ukiup taarnerani Juulleriartortoq angalaarluni, ulloriarpassuit igalaani takussaasarput. Taamaammat qaleriiat arlallit suliamiipput. Juulip ulloriaa illup iluaniit isigigaanni, qaamarngata tarraa igalaani takussassaavoq aammalu amerlanerusutullu isikkoqalertarluni.

Ukiormanna Juullip nipitittagaata saqqummiunneqarnerani, Gukki Nuka immikkut ittumik qujalluni oqalugiaateqarpoq, tamanut siunnersuuteqarluni paarinerlunneqartut imminnullu illersorsinnaangittunik pinngittaaliisarneq qanoq iliuuseqarfigineqarqullugit.

Ukiuni kingullerni pingasuni ajugaasut

2018

2017

Gukki Nuka

Print Friendly, PDF & Email