Ukiaq qanilliartulerpoq

Ukiaq qanilliartulerpoq. Tassalu imaappoq , Kalaallit Juullip Nipitittagaata Aningaasaateqarfiani sulisuusugut, sullisigut atisimavagut, juullimut pisussat pilersaarusiorniarlugit. Maannamiit saqqummiutereersinnaavarput, ukiormanna, juullip nipitittagaa saqqumiunneqassammat pingasunngornermi 31 oktober 2018 Nuummi Københavnimilu ataatsikkut.

Saqqumiussinissaq pisussanik arlariinnik malitseqartussaavoq, Kalaallit Nunnaanni

Juullip nipitittagaanut tapersersuutaasunik, ilaatigut juullerpaluttumik Christians Kirke-mi nipilersoqatigiisitsineq, juullerpaluttunik tuniniaaneq nipititakkanillu saqqummersittinerit. Qilanaarpugut pisussani sapinngisamik amerlasuut takujumaarlugit minnerunngittumillu juullip nipitittagaanik kusanartunik amerlasuunik tunisaqarumaarluta, nuannaarutaajumaartumik kalaallit eqqumiituliaannut qaammarsagaanerannullu.

Print Friendly, PDF & Email